Come ze nel me stile de scritore, umorista e cabaretista, senpre in lengua veneta, qua, almanco par adesso, metarò e publicarò solo monade o foto ebeti, o quasi, parché, anca se no pare, na imagine umoristica pol sussitare sì, la risata, ma anca on pensiero serio su cossa rapresenta sta imagine. Tuto ciò premesso, però, no vol dire assolutamente che mi sia ebete totale, o on macacon, o almanco lo spero. Me piase usare la satira, l'ironia, el sberlefo, par metare in evidensa i lati bruti de la vita quotidiana e ridarghe su, come ad esenpio le cagade dei nostri governanti che ne sassina cressendone le tasse e la benzina, e lori se aumenta el stipendio, le carognade dei capo uficio che spaca i maroni a maneta par gnente, o par farse sentire dal paron che lù se fa rispetare, le stronsade de tuti quei che se crede inteigenti e invesse i ze mona totali, a 360 gradi.

Bon divertimento alora, e ricordeve senpre che el riso fa bon sangue, e da na bona sganassà, come da na bona repossà, no ze mai morto nissun. Riguardeve senpre comunque, in qualsiasi posto ve dovessi  trovare, da on muson, che varda basso, che no ride mai, gnanca quando el copa el porseo; prima o dopo el ve lo metarà de bruto nel Bussoloto del cacao.  

Comunque, par premunirme contro eventuai denunce  da parte de ronpicojoni vari, o basabanchi, dai zenoci incaliti, che va a far la comunion tute le matine e dopo se i pol mai i incula el prossimo a tuta maneta

                                                        dichiaro solenemente che...

Se te voi ridare 

struca chi o su l'imagine